Pinangunahan ni La Union Governor Rafy Ortega-David ang ginanap na medical at dental mission sa isa sa pinakamalayong barangay sa bayan ng Sudipen – ang Barangay Maliclico.

“Malayo man o mahirap abutin, walang makakapigil sa atin! Dala po natin ang PGLU Team para magbigay ng ating mga serbisyong medical at dental para sa ating Kaprobinsiaan,” aniya sa social media.

“It was a fun-filled day! Sabi nga po nila ako daw po ang unang Governor na nagpunta sa kanilang barangay,” dagdag ni Ortega-David.

Aniya, ang pagbibigay ng medical at dental services ay isa sa mga commitment niya simula ng maupo siya bilang gobernador ng La Union. 

“[K]aysa kayo ang lalapit sa Provincial Capitol, ay kami po mismo ang magdadala ng mga serbisyo ng kapitolyo sa inyo,” dagdag ni Ortega-David.

Sinari rin ng gobernador na hindi niya malilimutan ang pagbisita sa Barangay Maliclico at nagpasalamat din siya kay Sudipen Mayor Wendy Joy D. Buquing sa walang sawang pagsuporta sa mga programa ng Pamahalaang Panlalawigan ng La Union.

Photo credit: Facebook/GovRafy