Dear Rep. Barbers,
Sang-ayon po ako sa panawagan ninyo na repasuhin agad ang SIM Card Law dahil nakakatakot na talaga ang pagdami ng mga online scammer sa bansa.
Bakit ba nagkaganito? Sa halip na matigil sila dahil sa SIM Registration Act, nagawan nila ng paraan ang mga masasamang gawain nila dahil nadadaan lang pala sa simpleng pagpapalit ng SIM cards at pekeng impormasyon ang pagreregister nila.
Kaya dapat lang na pagtuunan ng pansin ang pag-amyenda sa batas para mapatibay ang mga hakbang laban sa mga online scammer. Hindi na sapat ang mga kasalukuyang patakaran kung ang mga kriminal ay patuloy na nakakalusot dahil sa loopholes o kawalan ng mahigpit na implementasyon ng batas.
Kailangan natin ng mas mahigpit na regulasyon at epektibong monitoring system para sa mga prepaid at postpaid SIM cards upang malabanan ang mga scammer na ito!
Nagmamalasakit,
Jose Garcia
Disclaimer: The views and opinions expressed by the author in this piece do not necessarily reflect those of Politico.ph’s management and staff.
Gusto mo bang mag-rant? Libre din naman mag-thank you pag ok ang serbisyo. Write ka lang sa DEAR POLITICO! PM ka lang sa aming FB page.