Agad na bumuhos ang suporta para sa bagong kalihim ng Department of Transportation (DOTr) na si dating Bases Conversion and Development Authority (BCDA) chief Vivencio “Vince” Dizon mula sa mga mambabatas, kabilang sina Senate President Francis Escudero at Senador Grace Poe.

Sa isang social media post, buong pusong binati ni Escudero si Dizon sa bagong posisyon nito.

“I congratulate Vince Dizon on his appointment as the new DOTr Secretary! I look forward to working with him in government! I likewise wish Sec. Bautista well and thank him for his service at the DOTr!,” ani Escudero.

Samantala, naglabas din ng pahayag si Poe na nagpapakita ng tiwala sa kakayahan ni Dizon, kahit na mahirap ang trabahong nakaatang sa kanya.

“We want to congratulate Secretary Vince Dizon on his appointment and thank him for taking on such an enormous task at this critical time,” ani Poe.

Ayon pa kay Poe, malaki ang maitutulong ng karanasan ni Dizon sa pagpapabilis ng mahahalagang proyekto sa imprastraktura at pagbuti ng mga patakaran sa transportasyon.

“The new DOTr chief can count on our support in bringing relief to our commuting public and lasting solutions to our transportation sector,” dagdag pa niya.

Bukod sa mainit na pagtanggap kay Dizon, kapwa rin nagpaabot ng pasasalamat sina Escudero at Poe kay Bautista sa kanyang serbisyo at nagbigay ng mabuting hangarin para sa kanyang kalusugan.

Photo credit: Bases Conversion and Development Authority website