Matapang na sinupalpal ni Senate President Francis “Chiz” Escudero ang paratang ni dating Pangulong Rodrigo Duterte na may tendensiyang maging diktador si Pangulong Ferdinand “Bongbong” Marcos Jr., tinawag itong “inconsistent” at “walang basehan.”

“I do not agree and do not subscribe to his accusation at all,” madiing pahayag ni Escudero sa isang Viber message sa mga mamamahayag nitong Lunes.

Ayon sa Senate President, tila nagbago na naman ng script ang mga kritiko ni PBBM matapos hindi umubra ang naunang alegasyon na mahina umano itong pinuno.

“When their claim that PBBM was a weak leader who was not in control did not gain traction, they now accuse him of the exact opposite, alleging dictatorial tendencies. This is not only inconsistent but also baseless,” dagdag pa niya.

Kakilala Ni Marcos, Wala Raw Nakikitang Diktatoryal Na Ugali

Matagal nang kakilala ni Escudero si Marcos at halos isang taon na rin silang magkasama sa trabaho. Dahil dito, buong kumpiyansa niyang itinanggi ang paratang ng dating Pangulo.

“I do not subscribe to FPRRD’s statement because I simply do not see it and cannot infer nor believe it from PBBM’s attitude, outlook, and work ethic,” aniya.

Nag-ugat ang akusasyon ni Duterte sa isang indignation rally sa Mandaue City nitong Sabado, kung saan inihayag niya ang hinalang hindi bababa sa puwesto si Marcos matapos ang kanyang termino sa 2028.

“Mupusta ko sa inyo, dili na munaog pagkahuman sa iyahang termino. Pareha na sa iyang tatay. Magkagubat na pud ta because ang iyahang buhaton mudeclare na pud martial law (I bet you, that man is not going to step down at the end of his term. He’s just like his father. We’re gonna have problems because what he’s going to do is declare martial law),” banat ni Duterte.

Malacañang: ‘Walang Katuturan Ang Paratang’

Samantala, hindi rin pinalampas ng Malacañang ang pahayag ni Duterte. Ayon kay Executive Secretary Lucas Bersamin, hindi nila sineseryoso ang mga ganitong alegasyon.

“We treat the former president’s baseless and ridiculous statements in the same way that Filipinos are dismissive of them: a tall tale from a man prone to lying and to inventing hoaxes,” tugon ni Bersamin.

Kinontra rin niya ang teorya ni Duterte at tinawag itong isang “budol,” na aniya ay mula sa isang “one-man fake news factory.”

Bilang pagtatapos, muling iginiit ni Bersamin na nananatiling tapat ang administrasyong Marcos sa demokrasya at hindi kailanman babalik sa madilim na pamamaraan ng nakaraang administrasyon.

Photo credit: Facebook/officialpdplabanph, Facebook/senateph