Inaprubahan na ni Department of Budget and Management Secretary Amenah F. Pangandaman ang Special Allotment Release Order (SARO) na nagkakahalagang Php2 billion sa Department of Social Welfare and Development (DSWD) para makatulong sa mga kababayang nangangailangan ng tulong dahil sa krisis.

Ang programang Assistance to Individuals in Crisis Situations (AICS) ng DSWD ay naglalayong makapagbigay ng serbisyo kabilang na ang tulong pinansyal sa transportasyon, medikal, pagpapalibing, pagkain, at iba pang support services na kinakailangan ng mamamayan at pamilyang nasa krisis.

“Ang pondo ng taumbayan, dapat pong mapakinabangan rin ng taumbayan lalo na sa oras ng peligro. The release of this fund is a big help to our kababayans who are caught in difficult situation(s),” sabi ni Pangandaman.

“Maganda ang timing ng karagdagang pondong ito. Gusto nating tulungan ang DSWD para makapagbigay ng tulong at proteksyon sa mga pamilyang nangangailangan,” dagdag nito.

Photo Credit: Facebook/DBMgovph