Tuesday, October 4, 2022

DRRM Mas Palalakasin Pa Sa La Union

MOST READ

How do you feel about this story?

Like
Love
Haha
Wow
Sad
Angry

Palalakasin pa ng La Union Provincial Government (PGLU) ang disaster risk reduction and management o DRRM sa buong lalawigan, ayon kay Governor Rafy Ortega-David.

“Magkasama nating makakamit ang mas resilient La Union! We recently held the 3rd Provincial Disaster Risk Reduction Management (PDRRM) Council Meeting, where we assessed our disaster preparedness during the recent typhoon that struck our province,” aniya sa isang Facebook post. 

Iniulat din ni Ortega-David na ang buong lalawigan ng La Union at ang 20 component local governments nito ay nananatiling “two steps ahead of the calamity.”

Upang maipagpatuloy ang ganitong “level of readiness,” ipinangako nya na mas palalakasin pa ang disaster risk prevention and mitigation activities sa probinsya. 

“We will launch projects provincewide kung saan mabibigyang prayoridad at PDRRM at health.Sa ating administrasyon, we continue to work and strengthen our collaboration with the LGUs [local government units] to build resilient Kaprobinsiaan and achieve a #StrongerLaUnion,” dagdag ng gobernadora.

Noong Hulyo, inilunsad ng PGLU ang Disaster Resilience Caravan sa pamumuno ni Ortega-David, at noong ika-2 ng Setyembre, 2022, pinaunlakan ng Pamahalaang Bayan ng Sudipen ang nasabing caravan.

Ayon sa isang pahayag ng Provincial Disaster Risk Reduction and Management Office ng La Union, isinawaga ang aktibidad sa pangunguna nito at ng Provincial Health Office. Katuwang din ang Ilocos Training and Regional Medical Center at ang Center for Health and Development Region 1.

Tinatayang nasa 50 katao, mula sa indigenous cultural communities, ang lumahok. Kabilang sa mga aktibidad na ito ang pagpapalawig ng kaalaman tungkol sa paghahanda sa mga sakuna (disaster awareness), pagsasanay sa first aid at hands-only CPR, gayundin ang pagbibigay ng mga first aid kit sa mga mamamayan, dagdag nito.

Sinabi rin ng naturang opisina na ang caravan ay naglalayong maibsan ang epekto ng mga bantang panganib sa mga lugar na kabilang sa geographically isolated and disadvantaged areas, na siya ding tahanan ng ating mga indigenous cultural communities. Bahagi din ng nasabing programa ang pangangalaga sa mga natatanging yamang kultura ng probinsya.

Photo Credit: Facebook/GovRafy

- Advertisement -spot_img
- Advertisement -spot_img

Latest News