Naghain si Senador Risa Hontiveros ng resolusyon na naglalayong imbestigahan ng Senado ang mga administrative order na inilabas ng Philippine Ports Authority (PPA) na nagdulot ng labis pagtaas ng port fees at nakakadagdag sa pagtaas ng presyo ng mga bilihin sa bansa.

“These administrative orders are causing distress not only to the shipping operators but also to ordinary consumers. An increase in shipping costs poses a risk of further raising already burdensome pricing and inflation. This may affect how importers price their products. And in the end, it is the general public who will be hit by the biggest blow. Hindi ito dapat hayaang pasanin ng ating mga konsyumer na iniinda pa rin ang mataas na presyo ng bilihin at pamasahe,” aniya sa isang pahayag.

Sa panukalang Senate Resolution No. 484, partikular na binanggit ni Hontiveros ang mga administrative order na nauukol sa pagbibigay ng port terminal management contract sa mga bidder na may pinakamataas na presyo ng concession (No. 12-2018), pagpapatupad ng “Central Ticketing System” ( 12-2019); pagtaas sa mga bayarin sa pangongolekta ng basura (No. 01-2020, as amended); at paglikha ng mekanismo para sa pagpaparehistro at monitoring sa mga container na pumapasok at lumalabas sa mga daungan (No. 04-2021).

Ang Philippine Coastwise Shipping Association (PCSA), ang pinakamalaking shipping association sa Pilipinas, ay nagsabi na ang mga patakarang ito ng PPA ay nagdulot ng 2,000 porsyentong pagtaas ng port fees sa loob ng bansa, kaya tumataas din ang mga gastos sa domestic logistics na isa pang nagpapahirap sa mga konsyumer.

Nakasaad din sa resolusyon ang pag-aalala ng mga industry organization at trade organization na ang direktang singil para sa pagpaparehistro at monitoring sa mga container sa mga port tulad ng insurance, transaction, at transportation fees, ay magtataas ng mga presyo ng pag-import ng higit sa 50 porsyento.

Nakasaad pa sa resolusyon na hiniling na ng PCSA sa Department of Transportation na suriin ang mga port terminal management contract na umano’y nagtaas ng singil sa mahahalagang daungan sa Ozamis, Ormoc, Zamboanga, Tagbilaran, Surigao, Tacloban, Legazpi, Calapan, Nasipit, at Matnog.

“An efficient maritime transport network is of critical importance to our economy. Even the National Economic and Development Authority recognized that shipping costs are too high and they are a threat to national development. I urge my colleagues in the Senate to look into these increases immediately, recommend the regulation of these rates, and introduce port reforms to address inefficiencies, if necessary,” pagtatapos ni Hontiveros.

Photo credit: Facebook/portsauthorityph