Si Deputy Speaker Rufus Rodriguez nagpasalamat sa House of Representatives sa pag-aprobar sa House Bill 9315, usa ka balaudnon nga nagmando sa dali nga pagsulbad sa mga protesta sa eleksyon batok sa mga nadaog nga kandidato gikan sa Presidente hangtod sa mga opisyales sa barangay, sumala sa katapusan nga pagbasa niini kahapon.

Isip tig-sulat og balaod, giingon ni Rodriguez nga tubagon niini ang panginahanglan sa nasud alang sa repormasyon sa eleksyon. Ang wala’y katapusan nga paglangan sa pagsulbad sa mga protesta nakahatag pagduha-duha sa mga nidaog, ug ang pila sa mga kandidato dili magpanuko sa pagpanikas, nga nahibal-an nga ang mga pagprotesta mulungtad ug pila pa katuig usa mahukman.

“Aron mapugngan ang sama nga senaryo sa mubalik pag-usab, ang balaodnon naghatag og deadline sa alang sa pag-protesta sa Presidential Electoral Tribunal (PET), Senate Electoral Tribunal (SET), House of Representatives Electoral Tribunal (HRET), mga korte sa apela, ug ang Commission on Elections (Comelec),” ingon ni Rodriguez.

Bahin sa gidugayon niini sa pagsulbad sa mga protesta, ang Presidente, Bise Presidente, ug Senador kinahanglan nga pagahukman sa sulod sa 24 ka bulan sulod sa pagmantala sa ilang mga katungdanan.

Dugang pa, ang deadline alang sa pagsulbad sa mga protesta batok sa mga myembro sa Kamara, mga rehiyonal, probinsyal, syudad, ug mga opisyal sa munisipyo mao ang 12 ka bulan, samtang unom ka bulan sab alang sa mga kaso batok sa mga opisyales sa barangay.

Ang deadline sa pagsulbad sa nasangpit nga kaso sama sa quo warranto mukabat og unom ka bulan alang sa tanan nga mga opisyales.

Adunay hingpit nga kaso ang paggaatubangon aron masulbad ang mga kaso sa sulod sa saktong panahon. Apan, giingon sa balaudnon nga ang sweldo sa PET, SET, HRET, Comelec, ug mga maghuhukom magpadayon hangtod nga mahukman ang mga protesta.

Si Rodriguez naglaum nga maaprobahan ang iyang balaudnon sa takna nga adlaw alang sa umaabot nga 2022 eleksyon.

Photo Credit: Facebook/RufusBRodriguez