Tuloy-tuloy ang suporta ng pamunuan ni La Union Governor Rafy Ortega-David sa mga kabataan at sports development sa lalawigan matapos nitong magbahagi ng P80,000 sa iba’t ibang munisipalidad.
Sa social media, sinabi ni Ortega-David na youth and sports development ang ilan sa mga pinakamahahalagang pillars niyang gusto pagtuunan ng pansin.
“Kaya naman ngayon, lubos akong nagagalak that we are strengthening our programs for such! Nagsimula na po tayong magbahagi ng Php 80,000 Sports Development Fund each to our 11 Municipalities,” anunsyo ng gobernadora.
Umaasa rin siya na sa pamamagitan ng nasabing pondo ay mapasulong pa ng mga lokal na pamahalaan sa La Union ang kanilang mga proyekto sa larangan ng palakasan.
“Asahan po ninyo na patuloy pang lalawak ang mga programa natin para marami pang kabataan ang ating matutulungan through sports,” dagdag ni Ortega-David.
Photo Credit: Facebook/GovRafy