Isa ang sports development sa mga tututukan ng La Union Provincial Government sa ilalim ng kanyang panunungkulan, ayon kay Governor Rafy Ortega-David.
“Asahan ninyo ang aming 100 percent na suporta sa mga programa kung saan magkakaroon ng plataporma para sa sports development dito sa ating probinsya,” ani Ortega-David sa kanyang Facebook post.
Ito ay matapos ang pagbisita sa kanyang opisina ng mga atleta mula sa Philippine Karatedo Traditional and Sports (PKTS) La Union na nanalo bilang overall 1st Runner-up sa naganap na OSKA Invitational Karatedo Championship.
“Hangang-hanga ako sa inyong ipinamalas na galing! Congratulations and thank you for bringing great pride to our home!,” dagdag pa ng gobernador.
Photo Credit: Facebook/GovRafy
