Makakaasa na ang mga taga La Union ng mas maliwanag at ligtas na mga daan sa probinsya dahil unti-unti nang nagkaroon ng katuparan ang matagal nang plano ni Governor Rafy Ortega-David para dito.

Sa social media, inanunsyo ni Ortega-David na bumisita sa La Union ang mga kinatawan mula sa Department of Public Works and Highways (DPWH) upang talakayin ang proyekto. Ito ay matapos niyang magpadala ng proposal sa ahensya para gawing mas maliwanag at mas ligtas ang main roads ng probinsya.

“I am very happy that we have active partners from the DPWH who would like to work with us for this project to come into fruition. I initiated this proposal with the safety, security and convenience of the Kaprobinsiaan in mind and I will continue to push forward para po ma-achieve natin ito,” pahayag ng gobernadora.

Tiniyak niya sa mga mamamayan na makakaasa sila ng maayos at mahusay na serbisyo, salamat sa pagpapalakas ng pakikipagtulungan ng La Union sa national government.

“As your governor, isa po talaga ang improvement ng transportation systems natin sa mga commitments ko when I assumed, that is why asahan po ninyo that we will continue to strengthen our partnerships with our national government para po makapagpadala ng maganda at maayos na serbisyo sa inyo. Light up, La Union, let’s go!” pagtatapos ni Ortega-David.

Photo credit: Facebook/GovRafy