Nagpahayag ng pagkadismaya si La Union Governor Rafy Ortega-David sa mga bumisita sa mga dalampasigan ng La Union nitong nakaraang long weekend na lumabag sa responsible tourism at environment preservation.

“I express my grave disappointment on various instances where visitors and locals were recklessly leaving their trash along the beach and bothering sea turtles while it was attempting to nest,” idiniin nya sa isang pahayag sa social media.

Sinabi rin ni Ortega-David na ilang araw bago nangyari ang nasabing inisdente, nanawagan pa siya sa bawat isa na dumalo sa pagbubukas ng La Union Surfing Break noong nakaraang Biyernes na maging responsable.

“Thus, I share again my request and plea to all of you … Alam kong itong mga event na ito ay makakatulong sa pagbangon ng ating ekonomiya, but it should never be at the expense of our environment and natural resources!” aniya.

Hinihiling rin ng gobernadora sa lahat na maging responsable at disiplinado kung gusto nilang maging taunang selebrasyon ang La Union Surfing Break.

“The Provincial Tourism and Environment Offices are doing their best to handle the situation, and we ask for your utmost cooperation and due diligence,” dagdag niya.

Kung hindi, nagbabala si Ortega-David na gagawa ng kaukulang aksyon ang La Union Provincial Government upang matiyak ang environmental sustainability kahit na nangangahulugan ito ng pagkansela ng mga ganitong klaseng event.

“I call on everyone to be part of La Union PROBINSYAnihan! We cannot move forward if we are not united…and that also includes being united in taking responsibility for our environment.

Agyamanak, Stay Safe, GOD bless all of you, and GOD bless our fair La Union!” pagtatapos niya.

Photo Credit: Facebook/GovRafy