Mayor Jing Capil,
Isa po akong simpleng mamamayan na nag-aalala tungkol sa mga pangyayari kaugnay ng inyong pagkakasuspinde, kasama ang iba pang mga opisyal, dahil sa isyu ng Lucky South 99 at mga ilegal na gawain na nangyayari dito.
Maraming katanungan ang bumabagabag sa akin: Paano po nangyari na nakalusot ang mga ilegal na aktibidad sa Lucky South 99? Bakit po hindi agad kumilos ang lokal na pamahalaan para mapigilan ang mga ito?
Saan po napunta ang mga permit at lisensya para sa POGO hub? Sino po ang mga nakinabang sa mga ilegal na gawain na ito?
Mayor Capil, hindi lang ito tungkol sa isang POGO. Mahalaga ang usaping ito sa integridad ng ating pamahalaan at kaligtasan ng ating mga kababayan. Ipinapakita ng mga nangyari na may malalim na problema sa ating sistema.
Bilang isang mamamayan, hinihingi ko po ang inyong katapatan at pananagutan. Kailangan nating malaman ang buong katotohanan at mapanagot ang mga nasa likod ng mga ilegal na gawain.
Maraming salamat po!
Ana Teresa Mendoza
Photo credit: Facebook/WinGatchalian74
Disclaimer: The views and opinions expressed by the author in this piece do not necessarily reflect those of Politico.ph’s management and staff.
Gusto mo bang mag-rant? Libre din naman mag-thank you pag ok ang serbisyo. Write ka lang sa DEAR POLITICO! Send your letters to [email protected].