Mariing pinuna ni Davao del Norte 1st District Representative Pantaleon Alvarez ang rumored impeachment complaint laban kay Vice President Sara Duterte, at tinawag itong “political suicide” para sa Kongreso at isang walang ingat na hakbang na maaaring mag-destabilize sa bansa.
Sa isang pahayag na inilabas ngayong araw, nagbabala si Alvarez na ang impeachment effort ay “petty political ambitions” lamang ng mga may pasimuno nito sa halip na alalahanin ang maayos na pamamahala sa gobyerno. “This move reeks of an attempt to eliminate a perceived political rival rather than serving the interests of the Filipino people,” pahayag ni Alavarez.
Binigyang-diin ng dating Speaker of the House ang malakas na pagkapanalo ni Duterte noong 2022 elections, kung saan nakakuha siya ng 32 milyong boto, na nalampasan maging ang kay Pangulong Ferdinand Marcos Jr..
“Vice President Duterte’s overwhelming electoral victory reflects the immense trust that Filipinos have placed in her leadership. To challenge this mandate through an impeachment, based on shallow political grounds, is a direct affront to the sovereign will of the people,” aniya.
Nagpahayag din ng pangamba si Alvarez na ang isang impeachment ay makasisira sa demokratikong proseso, at nagbabala na “a body composed of around 300 representatives will decide to overrule the direct votes of 32 million Filipinos.” Nagbabala siya na ang hakbang ay maaaring humantong sa isang kaguluhan, kung ihahambing ang sitwasyon sa 1986 Edsa Revolution nang namagitan ang militar sa panahon ng krisis sa pulitika. “The country risks descending into chaos if this reckless political move proceeds,” aniya.
Binigyang-diin ni Alvarez ang potensyal na political at social fallout mula sa naturang hakbang. “The unintended consequences will be terrible,” aniya, at nagbabala sa karagdagang destabilisasyon. “An impeachment, within this context, is political suicide for the administration and chaotic for the nation.”
Nagpahayag din siya ng pagkadismaya sa maliwanag na pagtutok ng administrasyon sa labanan sa pulitika sa halip na tugunan ang mga mahahalagang isyu tulad ng pagtaas ng halaga ng mga bilihin, kawalan ng trabaho, mababang sahod, kahirapan, at kagutuman. “Almost three years into the Marcos administration, the most pressing challenges remain largely unresolved,” aniya.
Hinimok ni Alvarez ang gobyerno na tumutok sa paglutas ng mga tunay na problema sa halip na makisali sa isang “political spectacle.” Binigyang-diin niya na ang impeachment complaint ay sumasalungat sa pangako ng administrasyon sa unity. “Rather than fostering unity and cooperation, this move further divides the country,” aniya.
Bilang pagtatapos, nagbabala si Alvarez na hindi maninindigan ang sambayanang Pilipino sa inaakala nilang hindi makatarungang aksyon. “The nation is tired of political games, and the public’s anger will inevitably rise if they see their duly elected Vice President impeached unjustly.”
Photo credit: House of Representatives website