Sunday, July 14, 2024

Scam ‘Yan! VP Sara Nagbabala Tungkol Sa Mga Manlolokong Ginagamit Ang OVP

18

Scam ‘Yan! VP Sara Nagbabala Tungkol Sa Mga Manlolokong Ginagamit Ang OVP

18

How do you feel about this story?

Like
Love
Haha
Wow
Sad
Angry

Binalaan ni Vice President Sara Duterte ang publiko hinggil sa mga gumagamit sa Office of the Vice President (OVP) para makapanloko ng tao. 

Sa social media, pinasinungalingan niya ang mga nangongolekta ng pera na ginagamit ang OVP, at sinabing ito ay pananamantala lamang sa kabutihang loob ng mga tao. 

“The Office of the Vice President warns the public about activities involving the illegal collection of money made on behalf of the Office by unscrupulous individuals or groups,” pahayag ni Duterte.

Ito ay matapos mapag-alaman sa mga ulat mula sa Himamaylan, Negros Occidental, na mayroong nanghihingi ng P50 sa bawat tao na nais makakuha ng ayuda mula sa bise presidente. 

“This is a scam,” giit ni Duterte. 

Hinimok niya ang publiko na ipagbigay alam ang mga ganitong uri ng gawain sa pulisya o sa mga lokal na awtoridad, at magtanong sa kanyang opisina ukol sa mga programa nito sa pamamagitan ng official platforms, OVP Central Office, at Satellite Offices.

Photo credit: Facebook/MayorIndaySaraDuterteOfficial

President In Action

Metro Manila