“If may extra ka, try it, donate ka din sa mga nangangailangan.” 

Ito ang mensahe ni Senador Alan Peter Cayetano sa mga netizen na nagtatanong sa kanya tungkol sa kanyang panukalang Sampung Libong Pag-asa o 10K Ayuda.

Isa sa mga commenter sa kanyang social media post ay nagbiro na naaalala pa rin ng karamihan ang pangako niya na P10,000 para sa bawat pamilyang Pilipino.

Sinabi ni Cayetano na hinihintay niya rin ang nasabing ayuda.

“That’s why we’re pushing it sa Senate! Government has already admitted that they have the money but they don’t want to distribute it like Bayanihan 1,” aniya kung saan tinutukoy niya ang una sa dalawang malakihang pandemic aid na panukala na naipasa noong siya ang House Speaker.

Dagdag ng mambabatas, hindi pa naihain sa plenaryo ang panukalang batas para sa Sampung Libong Pag-asa, ngunit nagbibigay siya ng P10,000 na kapital sa mga maliliit na negosyo na benepisyaryo ng kanyang Sampung Libong Pag-asa program.