Binigyang-diin ni La Union Governor Rafy Ortega-David ang kahalagahan ng pagbibigay ng mga plataporma para sa mga maliliit na negosyante matapos ang paglulunsad ng Kadiwa ng Pangulo (KNP) sa probinsya.
“I really love having programs where our MSMEs [micro, small and medium enterprises] have avenues to showcase their products. Sa mga fairs po gaya ng Kadiwa, mas nakikilala at nasusuportahan ang mga #TatakLUcal na produkto,” aniya sa social media.
“Kaya po kapag may Kadiwa na malapit sa inyo, don’t forget to support!”
Ayon sa pahayag ng Provincial Government of La Union (PGLU), ang KNP sa La Union ay nagsimula noong Hulyo 17 sa Office of the Provincial Agriculturist (OPAg) Grounds, sa layuning suportahan ang sektor ng agrikultura at pahusayin ang seguridad sa pagkain.
“The KNP initiative is a key component of Marcos’ administration’s campaign for food security. … the KNP aims to eliminate intermediaries in the supply chain, strengthen market linkages, and ensure affordable access to fresh produce,” paliwanag nito.
Ayon sa PGLU, itinampok sa KNP ang 30 exhibitors, kabilang ang mga lokal na magsasaka, grupo ng mga magsasaka, at MSMEs, na buong pagmamalaki na nagpakita ng kanilang mga sariwang prutas at gulay, well-milled rice, isda, karne, processed products, at handicrafts.
Nakapagtala ang PGLU-OPAg ng kabuuang benta na P256,217.48, na nagbibigay-diin sa positibong epekto ng KNP sa industriya ng agrikultura ng lalawigan.
“With the successful launching of Kadiwa ng Pangulo, La Union takes a significant step towards a more sustainable and prosperous agricultural sector, further solidifying its position as a premier agri-tourism destination in Northern Luzon,” pagtatapos ng PGLU.
Photo credit: Facebook/GovRafy