Nanawagan si Senador Risa Hontiveros ng imbestigasyon sa umano’y “gentleman’s agreement” sa pagitan ng administrasyon ni dating Pangulong Rodrigo Duterte at ng gobyerno ng China. Ang kasunduang ito ay sinasabing nagpahirap sa pagsasaayos at rehabilitasyon ng BRP Sierra Madre sa Ayungin Shoal.
Sa isang press release, binigyang-diin ni niya ang kabigatan ng isyung ito, at sinabing, “This ‘gentleman’s agreement’ is treasonous. While China, in any case, will most likely attack our resupply missions en route to Ayungin, this sham of an agreement only gave Beijing more ammunition to assert her baseless claims. Kung totoo ang kasunduan, mukhang isinuko nga ni Duterte ang teritoryo ng Pilipinas.”
Ang Proposed Senate Resolution No. 982, na inihain ni Hontiveros, ay nagbibigay-diin sa mga potensyal na implikasyon ng naturang kasunduan. Ito ay makikita bilang pagsuko ng soberanya ng Pilipinas, gaya ng paglalarawan dito ni dating Philippine Navy flag officer-in-command Eduardo Santos “act of treason.”
Ang National Security Council, na kinakatawan ni Assistant Director General Jonathan Malaya, ay nagpahayag ng kawalang-alam sa kasunduang ito. Nanawagan si Malaya kay Atty. Harry Roque, na nagsiwalat ng kasunduan, upang ipaliwanag ang mga kalagayan at implikasyon nito sa pambansang seguridad.
“Pati pambansang seguridad natin nalagay sa pahamak dahil sa walang-dangal na ‘gentleman’s agreement’ na yan. China is already all around us – sa telecoms, sa national grid, sa karagatan – at mas lalo lang pinalakas ni Duterte ang Tsina sa kasunduang di umanong pinasukan niya,” pagdidiin ni Hontiveros.
Tinapos niya ang pahayag sa pamamagitan ng pagbibigay-diin sa kahalagahan ng pagpapatibay ng BRP Sierra Madre, at sinabing, “It is our duty to fortify the BRP Sierra Madre. Without it on Ayungin, we effectively give way for China to illegally occupy what is ours. If we stop reinforcing the Sierra Madre, we not only lose a crucial, strategic outpost, but also fail to defend our sovereignty.”
Photo credit: Facebook/officialpdplabanph
