Dear Politico,
Magandang araw.
Napasulat po ako ng liham na puno ng respeto at malasakit sa ating mga kinatawan sa Kongreso ukol sa isyu na kasalukuyang pinag-uusapan, hinggil sa pahayag ni House quad committee co-chair Rep. Dan Fernandez at Manila 6th District Rep. Bienvenido Abante, tungkol sa kanilang closed-door meeting kay Police Colonel Hector Grijaldo noong Oktubre 22.
Bilang isang mamamayan, nais ko pong iparating ang aking alalahanin tungkol sa mga balitang nagsasabing mayroong pamimilit na naganap kaugnay sa testimonya ni retired Police Colonel Royina Garma at ang usapin ng extrajudicial killings sa nakaraang administrasyon. Ang mga ganitong isyu ay hindi lang nakakaapekto sa tiwala ng publiko sa ating mga mambabatas, kundi pati na rin sa kredibilidad ng ating mga imbestigasyon.
Ayon kay Fernandez, ang pagpupulong kay Grijaldo ay hindi niya inisyatiba kundi hiling ni Garma bilang bahagi ng proseso ng “vetting” upang tiyakin ang kredibilidad ng testimonya at impormasyon. Mahalaga po ang kanyang paglilinaw, ngunit nakakalungkot na may mga tao pa ring nagsasabi ng mga negatibong bagay, na parang may mga nagtatangkang magtakip ng mga maling gawain.
Bilang isang mamamayan, hindi ko po tinatanggap ang ganitong klaseng pagtrato sa mga nagsasagawa ng kanilang tungkulin ng tapat. Hindi po dapat ginagamit ang mga ganitong usapin upang sirain ang mga taong tumutok sa pagsisiyasat ng mga isyung may kinalaman sa karapatang pantao at EJK.
Naniniwala po ako na mahalaga sa atin, lalo na sa mga mambabatas, na protektahan ang integridad ng mga imbestigasyon. Dapat po nating tiyakin na hindi ito maaapektuhan ng maling impormasyon at paratang. Ang transparency at accountability po ay susi sa isang makatarungan at maayos na pamahalaan.
Bilang mga kinatawan ng taumbayan, umaasa po ako na patuloy silang maglilingkod nang may malasakit at tapang, at magsisilbing inspirasyon sa paggawa ng tamang desisyon para sa ikabubuti ng ating bayan. Ang mga hakbang na ito ay mahalaga para sa mas makatarungang Pilipinas.
Maraming salamat po.
Lubos na gumagalang,
Ana Lim
Photo credit: Facebook/HouseofRepsPH
Disclaimer: The views and opinions expressed by the author in this piece do not necessarily reflect those of Politico.ph’s management and staff.
Gusto mo bang mag-rant? Libre din naman mag-thank you pag ok ang serbisyo. Write ka lang sa DEAR POLITICO! Send your letters to [email protected].