Nanawagan si La Union Governor Rafy Ortega-David sa mga residente ng lalawigan na yakapin ang isang green at eco-friendly mindset at binigyang-diin ang kahalagahan ng environmental awareness at preservation. 

“Personal ko pong na-meet ang mga kabataang leaders mula sa Lupon ng mga Indibidwal na Nangangalaga sa Kalikasan (LINK),” anunsyo ni Ortega-David sa kanyang social media page.

Binigyang-diin din ng gobernador ang mahalagang papel ng LINK sa pagpapalaganap ng environmental awareness sa mga kabataan.

“Isang makakalikasang Monday, Kaprobinsiaan!” aniya. “We are stewards of the earth, and we have a responsibility to care for it. Kung kaya’t suportahan rin natin ang mga program at activities ng LINK ha? Laging tandaan na ‘we are a part of nature and not apart from it.'”

Ang Nobyembre ay kinikilala bilang National Environmental Awareness Month, at binanggit ni Ortega-David ang pangangailangang isulong ang mga hakbangin tulad ng #KalikasanNaman sa buong lalawigan. 

Itinatag noong 2011, ang LINK ay naging pangunahing puwersa sa pagbuo ng isang komunidad ng mga batang lider na may malasakit sa kalikasan sa pamamagitan ng environmental action, conservation, and education. Ang organisasyon ay aktibong sa pagsuporta sa iba’t ibang programa sa pagtatanim ng Ridge to Reef ng Foundation for Environmental Education and Development sa La Union. Ang LINK ay pangunahing nakatuon sa coastal at inland mangrove planting upang palakasin ang mga hakbangin sa coastal protection.

Photo credit: Facebook/GovRafy