Dear PBBM,

Tungkol ito sa iyong kamakailang desisyon na magpataw ng mandated price ceiling sa bigas sa buong bansa. Dahil sa tumataas na presyo ng bigas at sa hirap na idinulot nito sa bulsa ng mga mamamayang Pilipino, kapuri-puri ang tugon ng inyong administrasyon para matugunan ang problemang ito. Ang pag-apruba mo sa Executive Order No. 39, na nagtatakda ng mga price ceiling sa P41.00 kada kilo para sa milled rice at P45.00 bawat kilo para sa well-milled rice, ay sumasalamin sa iyong pangako na pagaanin ang pasanin sa ekonomiya ng iyong mga nasasakupan.

Gayunpaman, gusto kong malinawan ang gumugulo sa isipan ng marami: ang pangako mong ibaba ang presyo ng bigas sa P20 kada kilo. Bagama’t isang hakbang sa tamang direksyon ang pagpataw ng mga price ceiling, inilalantad din nito ang naunang pangako mo, PBBM – mabawasan nang husto ang presyo ng bigas para sa mamamayang Pilipino. Ang tanong ko lang, ano na ang nangyari sa pangako mo?

‘Di ako bulag sa ang mga hamon na kinakaharap ng sektor ng agrikultura dahil sa iba’t ibang mga dahilan tulad ng kalamidad, international development at supply fluctuations. Kaya lang, dahil ang presyo ng bigas ay nananatiling pabigat para sa maraming mga Pilipino, naniniwala ako na kailangan ng isang malinaw at komprehensibong paliwanag sa mga dahilan kung bakit hindi mo matupad ang iyong pangako. Umaasa rin akong magkaroon ng kalinawan sa usapin ng P20 kada kilo ng bigas na ipinangako mo. Kaya pa ba?

Maraming salamat,

Juanito Santos

Disclaimer: The views and opinions expressed by the author in this piece do not necessarily reflect those of Politico.ph. 

Gusto mo bang mag-rant? Libre din naman mag-thank you pag ok ang serbisyo. Write ka lang yan sa DEAR POLITICO! PM ka lang sa aming FB page.