Hinikayat ni Senador Grace Poe ang gobyerno na siguruhing hindi ipapasa ng mga shipping line ang iba’t-ibang port fees sa kanilang mga pasahero.
Ipinanawagan niya ito matapos magsagawa ng pagdinig ang Senate committee on public services na kanyang pinamumunuan. Ang pagdinig ay tungkol Senate Resolution No. 484 na tumatalakay sa iba’t-ibang administrative order nag nagtataas ng port fees.
“Solusyon nga ba ang mga polisiyang ito o dagdag problema lamang? Does replacing container deposits with insurance and monitoring fees protect users? If so, why are the users complaining? In creating reforms to our maritime trade, panahon na para magkaroon ng regulations sa excessive charges kasabay ng pagsuporta sa paglago ng shipping industry. Were there sufficient studies and stakeholder consultations to support these policies?” tanong ni Poe.
“Gusto nating maayos at ma-modernize ang sistema pero ayaw naman nating ipasa lahat sa port users at kalaunan ay sa mga ordinaryong konsyumer ang mga bagong port fees. High shipping rates also worsen inflation. Lahat tayo ay maapektuhan ng pagtaas ng mga produkto sa merkado,” dagdag niya.
Sinusuri rin ng komite ang administrative order ng Philippine Ports Authority (PPA) na lilikha ng Centralized Ticketing System, Prescribed Waste Reception Fees sa mga PPA Ports, Mandatory Tree/Mangrove Planting, at ang Port Terminal Management Regulatory Framework.
Sinabi ni Poe na dapat pakinggan ng gobyerno ang hinaing ng mga shipping industry association at mga organisasyon na nagsasabi na ang mga adminstrative order ay magreresulta sa mas mataas na port charges at logistic costs.
Pinuri rin niya ang anunsyo ni Transportation Secretary Jaime Bautista na suspindihin ang implementasyon ng digitization program ng PPA sa pamamagitan ng Trusted Operator Program- Container Registry and Monitoring System. Ang programang digitization ay isang electronic tagging at tracking system kung saan ang paggalaw ng mga container at port users ay dapat nakalagay sa system.
Binanggit din ng senador na dapat tugunan ng gobyerno ang isyu ng mataas na halaga ng logistics dahil naaapektuhan rin nito ang mga consumer.
Photo Credit: Facebook/PortsAuthorityPH
