Hinimok ni Sen. Loren Legarda ang mga residente ng Metro Manila na tipirin ang pagkonsumo sa tubig dahil sa patuloy na pagbaba ng lebel ng tubig sa Angat Dam. 

Ang Angat Dam ang painagmumulan ng mahigit  98% ng tubig sa Metro Manila at bumaba ito sa 180 metro na minimum operating level noong Sabado, Hulyo 8 nang magrehistro ito ng 179.99m, ayon sa mga ulat. 

Binigyang diin ni Legarda ang agarang aksyon mula sa mga konsyumer hinggil sa inaasahang patuloy na pagbaba ng lebel ng tubig bunsod ng kinakaharap na dry spells dulot ng El Niño phenomenon.

“Kailangan nating magtipid at siguruhing tama ang paggamit ng tubig dahil sa nararanasan nating El Niño hanggang sa mga susunod na buwan na dahilan ng pagbaba ng lebel ng tubig sa Angat Dam.”

Nanawagan din siya sa mga naaangkop na ahensya ng gobyerno na manguna sa pagtulong upang mabawasan ang epekto ng sitwasyon sa tubig.

“Citizens have been asked to conserve water, but local government units must assure clear and constant communication with water suppliers to manage demand.”

Ayon pa sa mambabatas ay dapat hanapan ng paraan upang bigyang insentibo ang mga sumusunod sa kanilang panawagan sa pagtitipid ng tubig.

“We should also find ways to incentivize those who have heeded our call to conserve water so that many will follow their steps in helping our environment.” 

Hinimok din niya na samantalahin ng mga residente ang malakas na buhos ng ulan na nakakaapekto sa maraming bahagi ng Metro Manila tuwing hapon at gabi.

“We can innovate many ways to collect rainwater and use that for watering our plants or flushing down our toilets.”